Oralda páter tonap, 2 mln teńge shyǵyn keltirgen qylmystyq top ustaldy

ORAL. KAZINFORM – Batys Qazaqstan oblysynda krımınaldyq polıtsııa qyzmetkerleri jeke úılerdi tonady degen kúdikpen qylmystyq topty ustady.

BQO polıtsııa departamentiniń baspasóz qyzmetinen málim etkenindeı, atalǵan top Oral qalasy men Báıterek aýdanynda birneshe iri urlyqqa barǵan. 

Kúdiktiler úsh úıge plastıkalyq terezeni ıterip kirip, altyn buıymdardy (syrǵa, saqına, alqalar jáne t. b.) jáne aqshalaı qarajatty jymqyrǵan. Urlyqtyń keshki jáne túngi ýaqytta úı ıeleri bolmaǵan kezde jasalǵany anyqtaldy. 

— Jedel izdestirý is-sharalary nátıjesinde BQO polıtsııa departamentiniń qyzmetkerleri oblystyń tórt turǵynyn ustady. Olardyń úsheýi buryn birneshe ret urlyq, tonaý jáne alaıaqtyq qylmystaryn jasaǵany úshin sottalǵan. Urlanǵan zattardyń bir bóligi kúdiktiler ótkizip jibergen oryndardan tárkilendi. Qazirgi ýaqytta úsh epızod boıynsha aldyn ala tergeý bastaldy. Qolǵa túskender ýaqytsha ustaý ızolıatoryna qamaýǵa alyndy. Jalpy shyǵyn somasy 2 mıllıon teńgeden asady. Kúdiktilerdiń basqa da osyndaı qylmystarǵa qatystylyǵy tekserilýde, — dep habarlady vedomstvodan.

Eske sala keteıik, budan buryn BQO-da demeýshilik qarajattyń jumsalýyna baılanysty qylmystyq is qozǵalǵanyn jazǵan bolatynbyz.