Oralda para alǵan polıtsııa qyzmetkeri sheninen aıyryldy
«6 mamyr kúni Jambyl oblysynyń Shý aýdandyq sotynyń úkimimen aýdandyq kóshi-qon qyzmetiniń bólim bastyǵyna 7,5 mln teńge aıyppul salynyp, ol ómir boıy memlekettik qyzmette eńbek etý quqyǵynan aıyryldy. Ol Qyrǵyz Respýblıkasynyń azamatyn yqtııar hat alýda oń sheshim shyǵarý úshin 250 myń teńge para alǵan», - dep habarlady Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov agenttikte ótken baspasóz máslıhatynda.
Ol, sonymen qatar, 13 mamyrda Oral qalasynda azamattyq qadaǵalaý men qyzmetti qarý basqarmasynyń ınspektoryna 1 mln 750 myń teńge aıyppul salynǵanyn málim etti. Ol sonymen qatar «polıtsııa kapıtany» sheninen aıyrylǵan. Ol ańshy qarýyna tezdetip ruqsat berý qyzmeti úshin 70 myń teńge para alǵan.