Oralda para alǵan qos polıtsııa qyzmetkeri sottaldy
ORAL. QazAqparat - Oral qalalyq sotynyń úkimimen burynǵy polıtsııa qyzmetkerleri Marat Ahmetǵalıev pen Aıbek Serdenov sottaldy, dep habarlaıdy «QazAqparat» tilshisi.
Qalalyq sottan túsken málimetke qaraǵanda, Oral qalalyq ishki ister basqarmasy jol-patrýldik qyzmeti batalonynyń qyzmetkerleri M.Ahmetǵalıev pen A.Serdenov bıylǵy sáýir men mamyr aıynyń aralyǵynda kezekshilik kezinde aldyn ala sóz baılasyp, ákimshilik quqyqbuzýshylyqqa barǵan azamattardy jaýapkershilikke tartpaý úshin olardan para alyp otyrǵan. Sonymen qatar M.Ahmetǵalıev mas kúıinde ustalǵan D-men sózge kelip, oǵan dene jaraqatyn salǵan.
Sot úkimimen M.Ahmetǵalıev QR QK 366-baby 3-bóligi 2, 4-tarmaqtaryna (aldyn ala sóz baılasyp, top bolyp birneshe ret para alý) jáne 362-baby 4-bóligi 1-tarmaǵyna (kúsh kórsete otyryp, qyzmet babyn nemese laýazymdyq ókilettigin asyra paıdalaný) sáıkes aıypty dep tanylyp, QR QK 58-baby 3-bóligi negizinde múlkin tárkileýmen jáne jergilikti ózin-ózi basqarý men memlekettik organdarda qyzmet atqarý quqyǵyn ómir boıyna aıyrýmen birge bes jyl bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge sottaldy.
A.Serdenov QR QK 366-baby 3-bóligi 2-tarmaǵyna sáıkes aıypty dep tanylyp, múlkin tárkileýmen jáne jergilikti ózin-ózi basqarý men memlekettik organdarda qyzmet atqarý quqyǵyn ómir boıyna aıyrýmen birge oǵan paranyń jetpis eselengen mólsherinde, ıaǵnı 70 myń teńge aıyppul salyndy.
Sot úkimi kúshine engen joq.
