Oralda ózenge qulap ketken eki bala qutqaryldy
ORAL. QazAqparat – Oralda ózenge qulap ketken eki bala qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 12 maýsym kúni keshkisin qalalyq mádenıet jáne demalys saıabaǵynda boldy.
Saǵat 19.10-da aspaly jaıaý kópir astyndaǵy ózen jaǵalaýyndaǵy plıtanyń ústinde ata-anasynyń qaraýynsyz oınap júrgen 9 jáne 6 jasar eki bala taıyp, Shaǵan ózenine qulap ketken.
Sol mańda júrgen jedel qutqarý jasaǵynyń qyzmetkerleri (3 adam, 1 tehnıka) eki balany sýdan alyp shyqty.
Sondaı-aq keshe saǵat 17.21-de qalalyq mádenıet jáne demalys saıabaǵynda qutqarýshylar isten shyqqan katamarandy jaǵalaýǵa súırep shyǵardy. 34 jáne 31 jastaǵy eki adam qutqaryldy.
Eske sala keteıik, budan buryn Oralda synypqa uqsas belgisiz zat tabylǵanyn jazǵan bolatynbyz.
