Oralda ózende shomylyp júrgen áıeldi belgisiz bireý motorly qaıyqpen janshyp óltirip ketti
ORAL. QazAqparat – Oralda ózende shomylyp júrgen áıeldi belgisiz bireý motorly qaıyqpen qaǵyp ketti, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Belgibekovtiń aıtýynsha, oqıǵa 6 maýsym kúni saǵat 22.15-te Shaǵan ózeninde oryn aldy.
Selektsıonnyı aýylyna qaraı, «Dostyq» saıajaı qoǵamy jaǵyndaǵy shoıyn kópir tusynda belgisiz bireý motorly qaıyqpen sýǵa shomylyp júrgen 1979 jylǵy áıeldi qaǵyp ketti.
Áıel alǵan jaraqattary saldarynan qaıtys boldy.
Qazirgi kezde QR QK 344-baby 2-bóligine sáıkes (ózen kóligi júrisi nemese olardy paıdalaný qaýipsizdigi qaǵıdalaryn buzý) sotqa deıingi tergeý amaldary júrgizilýde.
Eske sala keteıik, budan buryn BQO-da 280 dana kıik múıizin tasymaldaǵan júrgizýshiniń ustalǵanyn jazǵan bolatynbyz.
