Oralda ótken bos oryndar jármeńkesine 7500-deı adam qatysty

ORAL. QazAqparat - Oraldaǵy jabyq muz aıdyny saraıynda «Nur Otan» partııasy qalalyq fılıalynyń uıymdastyrýymen, qala ákimdiginiń qoldaýymen 28 aqpan kúni bos oryndar jármeńkesi ótkizildi.

Oǵan oblys ortalyǵyndaǵy 150-den astam jumys berýshi iri mekeme-uıymdar qatysyp, 767 bos oryndy usyndy. Jármeńkege jumys izdegen 7500-deı turǵyn keldi.

Jármeńke barysynda jumys berýshiler men qalalyq jumyspen qamtý jáne áleýmettik baǵdarlamalar bólimi mamandary bos jumys oryndary jóninde málimettermen qatar keńes berdi.

Qalalyq jumyspen qamtý jáne áleýmettik baǵdarlamalar bóliminiń basshysy Aıgúl Tókeshevanyń aıtýynsha, qazirgi kezde 1256 jumyssyz esepte tur. Jyl basynan beri 56 múgedek jumysqa ornalasý jóninde ótinish bildirse, sonyń 11-i óz ornyn tapty. Búgingi jármeńkege kelgenderdiń 10 paıyzy eńbekke ornalassa, sonyń ózi úlken jetistik bolmaq.