Oralda ótip jatqan velosporttan el chempıonatynda astanalyqtar alda keledi
ORAL. QazAqparat - Oral qalasynda jasóspirimder arasynda velosporttan ótip jatqan el chempıonatynyń alǵashqy úsh kúniniń nátıjeleri belgili boldy, dep habarlaıdy «QazAqparat» tilshisi.
Velosporttan BQO quramasynyń aǵa bapkeri Beıbit Ibatovtyń aıtýynsha, 5 shilde kúni jekeleı synda 15-16 jastaǵylar arasynda 20,5 km qashyqtyqta astanalyqtar Sergeı Karmajakov pen Nurjan Hatpın máre syzyǵyn birinshi, ekinshi bolyp qısa, batysqazaqstandyq Dmıtrıı Noskov úshinshi orynǵa kóterildi. 13-14 jastaǵylar arasynda 15 km qashyqtyqta astanalyqtar Kenje Jańbyrshy, Egor Strelnıkov jáne Dmıtrıı Vasılev júldeli oryndardy ózara bólisti. 15-16 jastaǵy qyzdar arasynda 15 km qashyqtyqta Aqmola oblysynan kelgen Ýlıana Sýhorebrık chempıon atansa, astanalyq Dıana Býkanova kúmis, qyzylordalyq Ásem Tólemisova qola júldege ıe boldy. 13-14 jastaǵylardan astanalyq Lıýbov Repp jeńis tuǵyryna kóterilse, Almaty oblysynan kelgen Bota Batyrbekova men aqmolalyq Elızaveta Grınberg úzdik úshtikke ilikti.
Keshe komandalyq jarysta 15-16 jastaǵylar arasynda almatylyqtar (Maksım Popýgaev, Vıktor Stavıtskıı, Dımash Ábdirahmanov, Kırıll Demıanov) birinshi, BQO quramasy (Nıkıta Kazakevıchýs, Dmıtrıı Noskov, Rýslan Elýbaev, Ilıa Kolesov) ekinshi, jambyldyqtar (Osman Ogly Koıa, Bekzot Maǵrıpov, Roman Drojının, Denıs Kýzmın) úshinshi orynǵa ıe boldy. 13-14 jastaǵylardan astanalyqtar (Kenje Jańbyrshy, Egor Strelnıkov, Kırıll Strelchenko, Dmıtrıı Vasılev) eshkimge des bermese, almatylyqtar (Andreı Remhe, Danıl Ostrenkov, Vladımır Koltýnov, Rýdolf Remhe) men batysqazaqstandyqtar (Dmıtrıı Kýlıkov, Turlan Jumalıev, Mıhaıl Osıpov, Ivan Zobnın) sáıkesinshe kúmis, qola júldeni enshiledi. Juptyq-komandalyq básekede 15-16 jastaǵy qyzdar arasynda 20,5 km qashyqtyqta qyzylordalyqtar Ásem Tólemisova men Aqtolqyn Ábdijappar, sondaı-aq almatylyqtar Alena Nenına men Aqpeıil Ósim jáne Krıstına Stýjýk pen Krıstına Tıtovskaıa júldeli oryndarǵa ıe boldy. 13-14 jastaǵylardan aqmolalyqtar Nına Zaıtseva men Elızaveta Grınberg altynnan alqa taqsa, shyǵysqazaqstandyqtar Elena Mandrakova men Darıa Tıýlkına ekinshi, almatylyqtar Bota Batyrbekova men Áselına Ótebaeva úshinshi orynnan kórindi.
Medaldar sany jóninen 4 altyn, 3 kúmis, 1 qola júldeni ıelengen astanalyqtar alda keledi.
Búgin toptyq jarysta 80 km qashyqtyqta oraldyq Nıkıta Kazakevıchýs chempıondyq ataqty jeńip aldy.
Aıta keteıik, jasóspirimder arasyndaǵy el birinshiligi 9 shilde kúni márege jetedi.
