Oralda «Otanyńdy qazaq tili arqyly tany» atty kitaptyń tanystyrylymy boldy

Kitap Qazaqstan halqy oblystyq assambleıasynyń uıymdastyrýymen «INFORMBIRJA news» gazetinde jaryq kórgen maqalalardan qurastyrylǵan. Kitapta Májilis depýtaty Vıktor Kııanskııdiń til máselelerine arnalǵan tolǵamy da engizilgen. Atalmysh gazettiń shef-redaktory Sergeı Kýlpınniń basshylyǵymen shyqqan kitaptyń taralymy - 500 dana.

Tanystyrylymǵa qatysýshylar, etnomádenı birlestikter ókilderi atap ótkenindeı, kitap mazmundylyǵymen, tanymdyq jaǵynan tartymdylyǵymen erekshelenedi. Olar kúndelikti ómirde memlekettik tildi belsendi qoldanyp, tildik orta jasaý qajet degen ortaq toqtamǵa keldi.

Qazaqstan halqy oblystyq assambleıasy tóraǵasynyń orynbasary Ǵaısa Qapaqovtyń aıtýynsha, etnomádenı birlestikter músheleriniń qatysýymen ótetin májilisterdi memlekettik tilde ótkizetin kún de alys emes.