Oralda órtten seksen jastaǵy zeınetker kóz jumdy
ORAL. QazAqparat - 9 aqpan kúni saǵat 00.10-da BQO TJ departamenti órt sóndirý jáne apattyq-qutqarý jumystary qyzmetiniń ortalyq baılanys núktesine «Oral qalasy 8 naýryz kóshesi, 31" mekenjaıynda №1 páterdiń tóbesi, dúnıe-múlki órtenip jatqany jóninde habar túsken, dep habarlaıdy «QazAqparat» HAA tilshisi.
TJ departamenti órt sóndirý jáne apattyq-qutqarý jumystary qyzmetinen túsken málimetke qaraǵanda, órt sóndirshiler oqıǵa bolǵan jerge 4 mınýttan keıin jetken. Oqıǵa ornynan polıtsııa qyzmetkerleri denesin túgel jalyn shalǵan 1936 jylǵy úı ıesin alyp shyqty. 30 sharshy metr aýmaqty qamtyǵan órt saǵat 01.42-de tolyqtaı sóndirildi.
Órt sóndirýge 2 tehnıka, 12 adam jumyldyryldy.
Qazirgi kezde órttiń shyǵý sebepteri, keltirilgen shyǵyn, kináli adamdar anyqtalýda.
Oblystyq densaýlyq saqtaý basqarmasynyń baspasóz hatshysy Flıýra Samatovanyń aıtýynsha, qarııa qalalyq kóp beıindi aýrýhanaǵa jetkizilgenmen, kóz jumdy.
