Oralda órtten er adam qaza tapty
ORAL. QazAqparat - Oralda búgin turǵyn úıdegi órt saldarynan er adam qaza tapty, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, S.Esqalıev kóshesi 178-mekenjaıyndaǵy qos qabatty úıdiń 8-páterinde órt bolyp jatqany jóninde saǵat 01.55-te habar túsken.
Ekinshi qabattaǵy órt aýmaǵy 50 sharshy metrdi qamtyǵan. Órt saǵat 02.43-te sóndirilgen. Oqıǵa ornynan 1972 jylǵy er azamattyń múrdesi tabylǵan.
Qazirgi kezde órttiń mán-jaıy anyqtalyp jatyr.
Aıta keteıik, budan bir kún buryn, 6 mamyr kúni saǵat 14.13-te Syrym aýdany Jympıty aýyldyq okrýgi Pervomaı eldi mekeninde mal ustaýǵa arnalǵan aýmaǵy 924 sharshy metr qora-qopsynyń tóbesi janǵan. Órt 17.19-da tolyqtaı aýyzdyqtalǵan. Munda zardap shekkender joq.
Aldyn ala málimet boıynsha ot elektrmen pisirý jumystary kezinde órt qaýipsizdigi erejesin saqtamaýdan shyqqan.
