Oralda órtengen turǵyn úıden 20 adam evakýatsııalandy
ORAL. QazAqparat - Oralda turǵyn úıde órt bolyp, oqıǵa ornynan 20 adam evakýatsııalandy, dep habarlaıdy QazAqparat tilshisi.
Oblystyq TJ departamentiniń baspasóz qyzmetinen túsken málimetke qaraǵanda, oqıǵa keshe saǵat 00.58-da 5-shaǵynaýdandaǵy bes qabatty úıde bolǵan.
Úshinshi qabattaǵy páterdiń tóbesi, jeke zattar, jıhaz, teledıdar janǵan. Órt aýmaǵy 12 sharshy metrdi qamtydy.
Joǵary jáne tómengi qabattardan 20 adam shyǵarylsa, sonyń 8-i - bala.
Órtti aýyzdyqtaýǵa jeke quramnan 7 adam, 3 tehnıka jumyldyrylyp, saǵat 02.05-te sóndirildi.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalýda.
