Oralda órtengen transformator zaýytynan 20 ottegi ballony shyǵaryldy
ORAL. QazAqparat – Oralda transformator zaýyty órtendi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, Oral transformator zaýytynda tsehtyń janyp jatqany jóninde 14 jeltoqsan kúni túnde saǵat 22.07-de habar túsken.
Órtti barlaý kezinde jalpy aýdany 200 sharshy metr aýmaqta dánekerleý tsehynyń jabyny, qaptamasy, transformatorlardy synaý jabdyǵy, dánekerleý apparatýrasy, elektr tutqysh otqa oranǵany anyqtaldy.
Sonymen qatar oqıǵa ornynan 50 lıtrlik 20 ottegi ballony shyǵaryldy.
Qazirgi boljam boıynsha ot dánekerleý kezinde órt qaýipsizdigi erejesin saqtamaýdan shyqqan.
«Tilsiz jaý» saǵat 23.25-te tolyqtaı joıyldy.
Órtti sóndirýge 48 qyzmetker, 16 tehnıka jumyldyryldy.
Eske sala keteıik, budan buryn Oralda turǵyn úıdegi órtten eki adamnyń qaza tapqanyn jazǵan bolatynbyz.
