Oralda órtengen tońazytqyshtyń saldarynan 30 turǵyn qaýipsiz jerge kóshirildi
ASTANA. QazAqparat - Gagarın kóshesiniń boıyndaǵy 10 qabatty turǵyn úıde saǵat 13:00-de órt shyqty, dep habarlaıdy «Moı GOROD» portaly.
Kópqabatty úıdegi turǵyndardyń biriniń aıtýynsha, órt ekinshi qabattaǵy qoımadan shyqqan.
«Ekinshi qabattaǵy qoımada mashına rezeńkesi, tońazytqysh pen basqa da qurylys qoqystary jatty. Osy qoqystyń bári janyp ketken. Janǵan rezeńkeniń ótkir ıisi joǵarǵy qabatqa kóterildi. Adamdar kóshege shyǵý úshin páterlerinen qashyp shyqty. Barlyǵy aldy-artyna qaramastan qashyp ketti, sebebi tútinnen eshteńe kórinbedi. Órt sóndirýshiler kelgende, turǵyndardyń kópshiligi ózderi shyǵyp úlgergen edi. Men qolyma ulymdy kóterip alǵan edim, kók tútinge oranǵan podezden ózdigimnen shyǵa almadym», - dep túsindirdi úıdiń turǵyny Talǵat Jumaev.
Órt bolǵan podezdiń terezesi ashylmaǵan, ǵımaratty jeldendirý úshin ony syndyrýǵa týra kelgen.
Órt sóndirýshiler kelgende úıdegi jaryq júıesi óshirildi.
BQO TJD baspasóz qyzmeti habarlaǵandaı, 10 qabatty turǵyn úıdiń 2 qabatyndaǵy tońazytqysh pen 15 sharshy metrdegi zattar otqa oranǵan.
«30 turǵyn evakýatsııalandy, sonyń 8-i balalar. Órt sóndirýge barlyǵy 8 tehnıka men jeke quramnyń 20 órt sóndirýshisi qatysty», - dep túsindirdi BQO TJD-da.
