Oralda órtengen polıgonda kómirtegi totyǵy shekti mólsherden asyp túsken
Onyń aıtýynsha, BQO boıynsha Ekologııa departamentiniń zerthanalyq-taldama baqylaý qyzmetkerleri polıgon aýmaǵynan aýa synamalaryn alǵan.
«Ekologar kómirtegi totyǵynyń shekti ruqsat etilgen mólshermen (7,2 mg/m3) salystyrǵanda birinshi núktede – 1,7 ese (8,82 mg/m3), ekinshi núktede 1,4 ese (7,2 mg/m3) asyp túskendigin anyqtady. BQO boıynsha Ekologııa departamenti jospardan tys tekserý júrgizip, onyń nátıjeleri boıynsha tıisti sharalar qabyldaıtyn bolady», - dedi R.Bilálov.
Onyń sózine qaraǵanda, 27 tamyz kúni saǵat 18.25-te Syrym Datuly kóshesinde ornalasqan «Jaıyq Taza Qala» JShS-nyń úlken kólemdi qaldyqtar polıgonynda qoqys janǵan.
«TJ departamenti qyzmetkerleri belgisiz adamdardyń kabel jaqqanyn anyqtady. QR Qylmystyq is júrgizý kodeksiniń 186-baby 1-bóligi 2-tarmaǵyna sáıkes materıal toltyrylyp, kinálilerdi anyqtaý jáne protsessýaldyq sheshim qabyldaý úshin Oral qalasy Polıtsııa basqarmasyna joldandy. Atalǵan polıgon 2003 jyldan beri qoldanylyp keledi, jalpy alańy – 10 gektar. Tereńdigi 6 metrden asady. Osynshama ýaqyt boıy polıgonǵa qatty turmystyq qaldyqtar, buta-japyraqtar, sondaı-aq qys kezinde qar shyǵarylyp keledi. Polıgonnyń byqsyp janýyn tolyqtaı toqtatý úshin 1 gektar aýmaqty topyraqpen jabý qajet», - dedi departament bastyǵynyń orynbasary.
Eske sala keteıik, 28 tamyz kúni Oralda qurǵaq shóp pen qoqys alańy órtengenin jazǵan bolatynbyz.BQO TJD málimetine qaraǵanda, qoqys polıgony áli de byqsyp jatyr. 31 tamyz kúngi tańǵa deıin polıgonǵa 6 363 tonna topyraq tógilip, 2 054 tonna sý shashylǵan bolatyn. 1 qyrkúıek kúni tańǵy saǵat 08.00-den keshki 18.00-ge deıin taǵy da 1 050 tonna topyraq pen 42 tonna sý jetkizildi. Jumystar jalǵasyp jatyr.
