Oralda órtengen páterden 44 jastaǵy úı ıesiniń denesi tabyldy
ORAL. QazAqparat - Oralda turǵyn úıdegi órt saldarynan er adam qaza tapty, dep habarlaıdy QazAqparat tilshisi.
BQO TJ departamenti memlekettik órt baqylaý basqarmasynyń aǵa ınjeneri Saǵdat Ánes málim etkendeı, oqıǵa 28 jeltoqsan kúni Aqtóbe kóshesi, 47 mekenjaıynda bolǵan.
Saǵat 16.36-da 1-páterde órt bolǵany jóninde habar túsken. Órt aýmaǵy 20 sharshy metrdi qamtydy.
Órt sóndirýshiler kelgenge deın turǵyndar 44 jastaǵy er adamdy alyp shyqty. Alaıda ol jedel járdem kelgenge deıin kóz jumdy.
Ólim sebebi anyqtalyp jatyr. Marqumnyń múrdesi sot-medıtsınalyq saraptamaǵa jiberildi.
«Tilsiz jaý» saǵat 17.46-da aýyzdyqtaldy.
Oblystyq densaýlyq saqtaý basqarmasynyń baspasóz qyzmeti naqtylaǵandaı, jedel járdem saǵat 16.43-te shaqyryldy.
Oqıǵa ornynda tergeý toby jumys istedi.
Eske sala keteıik, budan buryn Oralda turǵyn úıdegi órt saldarynan gazdan ýlanǵan úsh adamnyń aýrýhanada jatqanyn jazǵan bolatynbyz.
