Oralda órtengen garaj ornynan er adamnyń múrdesi tabyldy

ORAL. KAZINFORM — Oral qalasynda garaj otqa orandy.

BQO TJD departamentiniń baspasóz qyzmetinen málim etkenindeı, oqıǵa 2 mamyr kúni M.Sholohov kóshesi 15-mekenjaıynda saǵat 07.48-de boldy. Qyzyl jalyn órt sóndirýshiler kelgenge deıin aýyzdyqtaldy. 

Órtengen orynnan 15 ballon (bireýi gaz, bireýi ottegi, qalǵany freon) shyǵaryldy.

BQO polıtsııa departamenti baspasóz qyzmetiniń naqtylaýynsha, órt sóndirilgennen keıin janyp ketken er adamnyń múrdesi tabyldy. 

Qazirgi kezde oqıǵanyń mán-jaıy anyqtalyp jatyr.

Eske sala keteıik, budan buryn Oralda tok soqqan balanyń kóz jumǵanyn jazǵan bolatynbyz.