Oralda ortalyq alańnyń birine qaban kirip ketti
ORAL. QazAqparat – Oralda ortalyq alańnyń birine qaban kirip ketti, dep habarlaıdy QazAqparat tilshisi.
Oral qalalyq polıtsııa basqarmasy 19-ýchaskelik polıtsııa beketiniń ýchaskelik polıtsııa ınspektory, polıtsııa kapıtany Aqylbek Bısenovtiń aıtýynsha, oqıǵa 28 qazan kúni shamamen saǵat 23.00-de tuńǵysh Prezıdent alańynda boldy.
Turǵyndardan alańda jabaıy qabannyń «serýendep» júrgeni jóninde 102 telefonyna habar túsken.
Oqıǵa ornyna jetken patrýldik polıtsııa toby tabeldik qarýdy qoldanbaı, qabandy aqyryndap ormanǵa shyǵaryp jibergen.
«Qabannan kólik, adamdar zardap shekken joq», dedi QazAqparat tilshisine A.Bısenov.
Eske sala keteıik, óńirde osyndaı úshinshi oqıǵa tirkelip otyr. Budan buryn BQO-da aýylǵa qaban kirip ketken bolatyn. Al sodan keıin polıtseıler taǵy bir qabandy atyp óltirýge májbúr bolǵanyn jazǵan edik.
