Oralda órt sóndirý kóligi aýdarylyp, júrgizýshi mert boldy
ORAL. QazAqparat - Oralda órt sóndirý kóligi aýdarylyp, júrgizýshi mert boldy, dep habarlaıdy QazAqparat tilshisi.
Oqıǵa búgin keshkisin qaladan shyǵa beristegi Svıstýn gora aýdanynda boldy.
Oblystyq densaýlyq saqtaý basqarmasynyń baspasóz qyzmetinen túsken málimetke qaraǵanda, er adam jedel járdem kelgenge deıin kóz jumdy.
Oblystyq polıtsııa departamentiniń resmı ókili Bolatbek Belgibekovtiń naqtylaýynsha, oqıǵa Oral-Atyraý jolynyń 10-shaqyrymynda bolǵan.
Qalaǵa qarasty Krýgloozernyı órt sóndirý bólimshesiniń rezervtegi avtokóligi Derkól aýylyna bara jatqan.
Júrgizýshi jalǵyz bolǵan. Aýdarylý sebepteri ázirge belgisiz.
QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
