Oralda órt saldarynan eki úıden 90 adam shyǵaryldy
ORAL. QazAqparat - Oralda órtke baılanysty eki úıden 90 adam shyǵaryldy, dep habarlaıdy QazAqparat tilshisi.
BQO TJ departamenti órt sóndirý jáne apattyq-qutqarý jumystary qyzmetine keshe saǵat 11.16-da A.Taımanov kóshesi 221-mekenjaıynda ornalasqan 9 qabatty jataqhanada janý oqıǵasy bolyp jatqany jóninde habar túsken.
Oqıǵa ornyna 4 tehnıka, jeke quramnan 15 adam jetken kezde birinshi qabattaǵy lıft qudyǵynda (shahta) turmystyq qaldyqtar janyp jatqany (3 sharshy metr) anyqtaldy.
Qatty tútinge baılanysty joǵary qabattardan 70 adam shyǵarylsa, sonyń 15-i - balalar.
Sondaı-aq búgin saǵat 05.08-de D.Qonaev atyndaǵy shaǵynaýdan, 5-úı, №3 kireberistegi jertólede aýmaǵy 10 sharshy metrdi qamtyǵan qurylys materıaldary janǵan. Munda barlyǵy 20 adam shyǵarylsa, sonyń 8-i - balalar.
Órt 5 tehnıka, 16 adamnyń qatysýymen saǵat 05.58-de aýyzdyqtaldy.
