Oralda órt saldarynan 30-ǵa jýyq adam evakýatsııalandy
ORAL. QazAqparat -Oraldyń turǵyn úı sektorynda bir kúnde eki órt oqıǵasy tirkeldi, dep habarlaıdy «QazAqparat» tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, tańǵy saǵat 05.51-de «Stroıtel» shaǵynaýdanyndaǵy 43-úıdiń 82-páterinen órt shyqqany jóninde habar túsken. Úı ıesi qutqarylyp, 20 adam (úsheýi - balalar) qaýipsiz jerge shyǵarylǵan. Órt aýmaǵy 10 sharshy metrdi sharpydy. Úı ıesiniń jeke zattary, balkon janǵan. Jalyn saǵat 07.16-da sóndirildi.
Sonymen qatar saǵat 09.27-de Q.Amanjolov kóshesindegi 141-úıdiń 51-páterinde jeke zattardyń janyp jatqany týraly habarlanǵan. Tilsiz jaý 10.17-de aýyzdyqtaldy. Munda segiz adam evakýatsııalandy. Órtti sóndirýge 4 tehnıka, 11 adam jumyldyrylǵan.
