Oralda órt saldarynan 20-ǵa jýyq adam evakýatsııalandy
ORAL. QazAqparat - 23 qazan kúni saǵat 04.39-da «Stroıtel» shaǵynaýdany, 35 mekenjaıy boıynsha kópqabatty turǵyn úıdegi páter órtenip jatqany jóninde málimet túsken, dep habarlaıdy «QazAqparat» tilshisi.
BQO TJ departamenti órt sóndirý jáne apattyq-qutqarý jumystary qyzmetinen túsken málimetke qaraǵanda, órt sóndirýshiler jedel jetken kezde 1-qabattaǵy páter balkonynda tereze jaqtaýlary men jeke zattar janyp jatqan. Oqıǵa ornynan es-tússiz jatqan azamat qutqarylyp, jedel járdem brıgadasyna tapsyrylǵan. Sondaı-aq joǵary qabattardan barlyǵy 17 adam shyǵaryldy, olardyń úsheýi - balalar. Saǵat 05.22-de órttiń taralýy toqtatylyp, 06.30-da tolyqtaı sóndirildi.
Órttiń shyǵý sebebi, keltirilgen shyǵyn, kináli adamdar anyqtalýda.
Aıta keteıik, órt sóndirýshilerdiń jedel qımyly arqasynda «tilsiz jaýdyń» kórshi páterlerge taralýyna jol berilgen joq.
