Oralda órt ornynan jasóspirimniń denesi tabyldy
ORAL. QazAqparat - Oralda órt ornynan jasóspirimniń denesi tabyldy, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa búgin saǵat 11.31-de Tashkent kóshesindegi jeke turǵyn úıde boldy.
Verandada gazdyń shyǵyp ketýi saldarynan órt bolǵan. Іshinara monshanyń da tóbesi janǵan.
Órt aýmaǵy 25 sharshy metrdi qamtydy.
Verandadan TJ qyzmetkerleri gaz ballonyn alyp shyqty.
«Tilsiz jaý» órt sóndirýshilerdiń kúshimen (18 adam, 7 tehnıka) saǵat 12.57-de aýyzdyqtaldy.
Aldyn ala málimet boıynsha órt gaz jabdyǵyn paıdalanýda qaýipsizdikti saqtamaýdan shyqqan.
Órt ornynan jasóspirimniń denesi tabyldy.
Turǵyndardyń sózine qaraǵanda, marqum 15 jasta bolǵan.
Eske sala keteıik, budan buryn Oralda gaz jarylysynan kúıik shalǵan úsh adamnyń bireýi kóz jumǵanyn jazǵan bolatynbyz.
