Oralda órt ornynan er adamnyń múrdesi tabyldy
ORAL. QazAqparat – Oralda órt ornynan er adamnyń múrdesi tabyldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe keshkisin M.Mámetova kóshesindegi 52-turǵyn úıde bolǵan.
Bes qabatty úıdegi 53-páterde órt bolyp jatqany jóninde saǵat 19.12-de habar túsken.
Aýmaǵy 20 sharshy metrdi qamtyǵan órt ornynan 1961 jylǵy er adamnyń múrdesi tabyldy.
Úıden 18 adam evakýatsııalandy, sonyń úsheýi – bala. 4 adam qutqarylsa, sonyń bireýi – bala.
«Tilsiz jaýdy» aýyzdyqtaýǵa 18 adam, 6 tehnıka jumyldyryldy. Órt saǵat 20.17-de sóndirildi.
Órttiń shyǵý sebebi, kináli adamdar, keltirilgen shyǵyn anyqtalý ústinde.
