Oralda ormanda adasyp ketken turǵyn qutqaryldy
ORAL. QazAqparat - Oralda ormanda adasyp ketken turǵyn qutqaryldy, dep habarlaıdy QazAqparat tilshisi.
BQO TJ departamenti jedel qutqarý jasaǵynyń bas qutqarýshy-psıhology Leıla Ábdirahmanovanyń aıtýynsha, oqıǵa keshe oryn aldy.
Saǵat 12.00-de 1994 jylǵy jas jigit qutqarý qyzmetine habarlasyp, óziniń adasyp ketkendigin aıtqan. Ol otbasyndaǵy kelispeýshilikten keıin tańǵy saǵat 05.00-de Kýrenı aýdanyndaǵy úıinen shyǵyp, Jaıyq ózeni arqyly ótip, toǵaıǵa kirgen.
Turǵyn óziniń qaı jerde ekendigin túsindire almady. Ony izdeýge polıtsııa qyzmetkerleri de qatysty.
Іzdeýge 35 qutqarýshy, 2 kınologııalyq top, 6 tehnıka, 2 qarshana jumyldyryldy. Arnaıy úıretilgen «Djessı» men «Marı» ıtteri de shyqty.
Uzaq izdeýden keıin 20.00-de qutqarýshylar adasyp ketken turǵynnyń izine tústi. Saǵat 01.00-de qutqarýshylar Nurmuhan Jumaǵalıev pen Márlen Berqalıev qatty tońǵan jigitti Ýtıýjnyı zaton aýdanyndaǵy qalyń orman ishinen tapty. Oǵan alǵashqy medıtsınalyq jáne psıhologııalyq kómek kórsetilip, saǵat 02.00-de jedel járdem brıgadasyna tapsyryldy.
«Qarańǵylyq túskennen keıin izdeý qıyndaı tústi. Qarshanamen júrý múmkin bolmaǵandyqtan, shańǵyǵa turýǵa týra keldi. Jigittiń jaǵdaıy qıyn bolǵanyna qaramastan, ol da shańǵymen bir saǵat boıy júrip, ormannan shyǵa aldy», dedi №3 qutqarý bólimshesiniń basshysy M.Berqalıev.
