Oralda orman alabynda óli tabylǵan áıeldiń týystary anyqtaldy

ORAL. KAZINFORM – Oral qalasynda orman ishinde óli tabylǵan áıeldiń týystary úsh aıǵa jýyq ýaqyttan keıin anyqtaldy.

Áıeldiń múrdesi 31 shilde kúni tabylyp, onyń jaqyn-jýyqtaryn eriktiler izdestirgen.

BQO polıtsııa departamenti baspasóz qyzmetiniń málimetine qaraǵanda, áıeldiń jasy shamamen 30-40-ta, denesinde zorlyq-zombylyq belgileri bolmaǵan. 

«29 qazan kúni áıeldiń týystary belgili boldy. Olar marqumdy tanydy. Qazirgi kezde oqıǵanyń jaı-japsary anyqtalyp jatyr», - dep habarlady vedomstvodan. 

Eske sala keteıik, budan buryn Oralda joǵalyp ketken jigittiń qystaqta qoı baǵyp júrgen jerinen tabylǵanyn jazǵan bolatynbyz.