Oralda olımpıada júldegerleri bapkerlerdiń biliktiligin arttyrýda
ORAL. QazAqparat - Oral qalasynda 3-4 aqpan kúnderi Qazaqstan Respýblıkasy Dzıýdo federatsııasy ókilderiniń qatysýymen dzıýdodan bapkerler semınary ótip jatyr.
Oralda osyndaı dárejede alǵash ret uıymdastyrylyp otyrǵan semınarda olımpıada oıyndarynyń júldegerleri, dzıýdodan QR ulttyq quramasynyń jattyqtyrýshysy Aıdyn Smaǵulov, Dzıýdo federatsııasy damytý jónindegi dırektory Ashat Jıtkeev, Qazaqstannyń eńbek sińirgen jattyqtyrýshysy, Dzıýdo federatsııasy ǵylymı-ádistemelik tobynyń jetekshisi Mıhaıl Shepetıýk batysqazaqstandyq bapkerlerge dáris berýde.
Federatsııa ókilderiniń aıtýynsha, semınardyń basty maqsaty - jalpy elimiz boıynsha dzıýdo kúresiniń deńgeıin kóterý jáne jattyǵý baǵdarlamalaryn ortaq júıege túsirý. Osylaısha, dzıýdo kúresinen elimizdiń barlyq aımaqtaryndaǵy bapkerlerdiń biliktiligin shyńdaýǵa arnalǵan pılottyq negizdegi joba Oral qalasynan bastaý alyp otyr.
