Oralda oqýshyny qaǵyp ketken júrgizýshige qatysty qylmystyq is qozǵaldy
ORAL. QazAqparat - Oralda toǵyz jasar qyz balany qaǵyp ketken júrgizýshige qatysty qylmystyq is qozǵalyp, tergeý amaldary júrgizilýde, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, keshe saǵat 12.50 shamasynda Konkın kóshesi boıyndaǵy «Teremok» dúkeni mańynda 1958 jylǵy júrgizýshi «Aýdı 80» avtokóligimen 2008 jylǵy 4-synyp oqýshysyn qaǵyp ketti. Qyz bala rettelmeıtin jaıaý júrginshi ótkelimen ótip bara jatqan. Ol oblystyq kópbeıindi balalar aýrýhanasynyń travmatologııa bólimine jatqyzyldy.
Medıtsınalyq kýálandyrý nátıjesinde júrgizýshi jol apatyn jasaý kezinde mas bolmaǵany anyqtaldy. Onyń ústinen QR QK 345-baby 1-bóligine sáıkes qylmystyq is qozǵaldy.
Aıta keteıik, bıylǵy segiz aıda oblysta 1500-ge jýyq jol-kólik oqıǵasy tirkelgen.
