Oralda oqýshy qyzǵa tıisken er adam ustaldy
ORAL. QazAqparat – Oralda oqýshyǵa shabýyl jasaǵan er adam ustaldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, oqıǵa 13 aqpan kúni «Jeńis» shaǵynaýdanyndaǵy kópqabatty úılerdiń biriniń kireberisinde boldy.
«Belgisiz er adam saǵat 14.15 shamasynda 16 jastaǵy oqýshy qyzdyń sońynan erip kelip, kireberiste buzaqylyq áreketter jasaǵan», - delingen PD aqparatynda.
Úıdiń kireberisinde qyz balanyń jylap otyrǵanyn túski astan kele jatqan polıtsııa qyzmetkeri baıqap, mán-jaıdy bilgen.
BQO Polıtsııa departamenti jergilikti polıtsııa qyzmeti patrýldik polıtsııa batalony bastyǵynyń mindetin atqarýshy, aǵa leıtenant Artýr Qudysov odan kúdiktiniń túr-sıpatyn surastyryp, ony birden izdeýge kirisken. Solaısha, kúdiktini D.Qonaev atyndaǵy shaǵynaýdandaǵy «Jeńis» dúkeni janynan qolǵa túsirdi.
«Kúdikti «izi sýymaı» ustalyp, oqıǵa ornyna jetken shuǵyl-tergeý tobyna tapsyryldy. Ol Oral qalasynyń 1967 jylǵy turǵyny bolyp shyqty. Sotqa deıingi tergeý amaldary bastaldy», - dedi vedomstvodan.
