Oralda ógeı ákesi 13 jasar qyzdy zorlady degen kúdikke ilindi
ORAL. QazAqparat – Oralda 13 jasar qyzdy zorlaý deregi boıynsha tergeý júrgizilýde, dep habarlaıdy QazAqparat tilshisi.
«Ne molchı» qoǵamdyq qorynyń Facebook -tegi paraqshasynda málim etilgenindeı «qyzdy zorlady» degen kúdikke ógeı ákesi ilinip otyr.
Oral turǵyny áıeli men balalaryn uryp-soqqan. Ógeı qyzyn 1,5 jyl buryn azǵyndyqqa ıtermelep, zorlaǵan. Taǵy bir kúni qatty soqqydan áıeli esinen aıyrylyp qalǵan. Ony óldi dep oılaǵan qyzy ógeı ákesinen qorqatynyn aıtyp, bárin jaıyp salǵan.
BQO polıtsııa departamentiniń baspasóz qyzmeti oqıǵany rastap, qazirgi tańda QR QK 120-baby 4-bóligine sáıkes sotqa deıingi tergeý amaldary júrgizilip jatqanyn jetkizdi.
