Oralda oblystyq ekologııalyq olımpıada ótkizilýde
ORAL. Qańtardyń 27-si. QazAqparat /Eljan Eraly/ - M.Ótemisuly atyndaǵy Batys Qazaqstan memlekettik ýnıversıtetinde qańtardyń 27-sinde oblystyq ekologııalyq-bıologııalyq ortalyqtyń uıymdastyrýymen oqýshylardyń úshinshi oblystyq ekologııalyq olımpıadasy bastaldy,
dep habarlaıdy QazAqparat tilshisi.
Jas urpaqtyń boıynda ekologııalyq mádenıetti qalyptastyrý, qoǵamdaǵy ekologııalyq máselelerdi sheshýge degen qyzyǵýshylyqty arttyrý maqsatynda ótkizilip otyrǵan olımpıadaǵa aýdandar men qala mektepterinen oqýshylar qatysýda.
Ýnıversıtet jaratylystaný-matematıka fakýltetiniń dekany, bıologııa ǵylymdarynyń kandıdaty Jasqaıyr Qaraǵoıshınniń aıtýynsha, bıologııalyq ortanyń tepe-teńdigin saqtaý, qorshaǵan ortanyń ekologııalyq máselelerin túsiný, óskeleń urpaqtyń boıynda jaratylystanýdy tereń sińirý úshin qolǵa alynǵan bul sharanyń paıdasy ushan-teńiz.
Osymen úshinshi ret uıymdastyrylyp otyrǵan olımpıada eki kúnge sozylmaq. Qatysýshylar ekologııalyq saramandyq tapsyrmalardy oryndap, synaq zerthanasynda jumys istep, oblys ekologııasymen aınalysyp júrgen mamandarmen kezdesetin bolady.
