Oralda oblystyq aýrýhananyń kabıneti órtendi
ORAL. QazAqparat - Búgin saǵat 14:57-de BQO TJ departamenti órt sóndirý jáne apattyq-qutqarý jumystary qyzmetiniń ortalyq pýnktine oblystyq aýrýhananyń №2 korpýsynda tomografııa kabınetiniń janyp jatqany jóninde habar túsken, dep habarlaıdy «QazAqparat» HAA tilshisi.
BQO TJ departamenti órt sóndirý jáne apattyq-qutqarý jumystary qyzmetinen túsken málimetke qaraǵanda, oqıǵa ornyna jetken órt sóndirýshiler «tilsiz jaýdy» saǵat 15.17-de aýyzdyqtaǵan. Órt 15.27-de tolyqtaı sóndirilgen.
Qazirgi kezde órttiń shyǵý sebepteri, keltirilgen shyǵyn jáne kináli adamdar anyqtalýda.
