Oralda «Nur Otan» HDP kýbogi úshin shaǵyn fýtboldan jarys márege jetti

ORAL. 30 sáýir. QazAqparat - Oralda «Nur Otan» HDP kýbogi úshin shaǵyn fýtboldan týrnır márege jetti.

Jeńistiń 68 jyldyǵyna jáne Otan qorǵaýshylar kúnine arnalǵan jarysqa barlyǵy onǵa jýyq komanda qatysyp, kýbokti sarapqa saldy.

«Nur Otan» HDP BQO fılıaly tóraǵasynyń orynbasary Aqqalı Áýbekerov, Oral qalalyq máslıhatynyń hatshysy Abat Shynybekov bul sharanyń, bir jaǵynan, aǵa urpaqtyń erligine taǵzym etý bolsa, ekinshi jaǵynan, salaýatty ómir saltyn ornyqtyrý ekenin atap ótti.

Jarys qorytyndysynda Oral qalalyq máslıhatynyń komandasy jeńimpaz atandy. №42 mektep-gımnazııa men «Nur Otan» HDP BQO fılıalynyń komandalary ekinshi-úshinshi oryndy bólisti.