Oralda nóser jaýynnan keıin 7 turǵyn úıge sý kirdi
BQO TJ departamentiniń baspasóz qyzmeti málim etkenindeı, 3 maýsym kúngi saǵat 21.00-den búgin tańǵy saǵat 07.00-ge deıin oǵan qosa 40-tan astam turǵyn úıdiń aýla aýmaǵyn, 7 áleýmettik nysannyń jertólesin sý aldy.
Búgin saǵat 09.00-ge deıin TJ departamenti jáne jergilikti atqarýshy organnyń kúshimen 2045 tekshe metr sý soryldy.
125 qyzmetker 45 tehnıka, 17 motopompamen jumys jasaýda.
Búgin saǵat 02.00-de «Batys sý arnasy» JShS №3 káriz-sorǵy stansasynda apatty jaǵdaı oryn alyp, saǵat 03.00-den bastap Oral qalasynda salqyn sý berý toqtatyldy.
Atalmysh mekemeniń brıgadasy jóndeý-qalpyna keltirý jumystaryn atqaryp, qazirgi kezde sý berildi.
Sonymen qatar keshe keshten bastap jaýǵan jańbyrdyń saldarynan qalanyń biraz bóligi elektr jaryǵynsyz qaldy.
«Búgin de «Qazgıdromet» RMK málimetine sáıkes Batys Qazaqstan oblysynyń keı jerlerinde naızaǵaı oınap, burshaq jaýyp, shańdy daýyl kóteriledi. Soltústik-shyǵystan soǵatyn jeldiń jyldamdyǵy keı jerlerde sekýndyna 15-20 metrge jetýi yqtımal. Qalyptasqan
jaǵdaıǵa baılanysty BQO TJ departamentinde jedel shtab quryldy. Shuǵyl kómek kútken turǵyndardyń 8-711-2-55-40- 88 telefonyna qońyraý shalýyna bolady», dep habarlady vedomstvodan.
Eske sala keteıik, budan buryn Batys Qazaqstanda naızaǵaı túsip , garaj ben avtokólik órtenip ketkenin, qatty jeldiń ǵımarattyń shatyryn julyp áketkenin jazǵan bolatynbyz.
