Oralda Nıgerııanyń 2 azamaty ustaldy
BQO polıtsııa departamenti baspasóz qyzmetinen túsken málimetke qaraǵanda, óńirde «Mıgrant» jedel aldyn alý is-sharasy aıasynda keshendi tekserister júrgizilýde.
«Tártip saqshylary Oral qalasynda eki nıgerııalyq azamatty baıqap, qujattaryn tekseredi. Olar Oralda júrý sebebin qyzmet etýge kelýimen túsindirgenimen, tıisti qujattary bolmaǵan. Nıgerııalyq azamattarǵa qatysty QR Ákimshilik quqyq buzýshylyq týraly kodeksiniń 517-baby 5-bóligine sáıkes ákimshilik hattama toltyryldy. Qajetti qujattar jınaqtalyp, sotqa joldandy. Atalmysh bap boıynsha aıypty dep tanylǵan adam 25 AEK kóleminde aıyppul salýǵa ne on táýlikke deıingi merzimge ákimshilik qamaqqa alýǵa ne Qazaqstan Respýblıkasynyń aýmaǵynan shyǵarýǵa jazalanady», dep habarlady vedomstvodan.
Eske sala keteıik, budan buryn BQO turǵynynan 1 tonnadan astam alkogol ónimi tárkilengenin jazǵan bolatynbyz.