Oralda nesıe almaq bolǵan alty turǵyn 6 mln teńgesinen aıyryldy

ORAL. QazAqparat – Oralda alaıaq áıel alty turǵyndy 6 mln astam teńgesin aldap alyp ketken, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, qazirgi kezde alty epızod boıynsha sotqa deıingi tergeý amaldary júrgizilýde.

J. esimdi áıel 2019 jyldyń tamyzynan bastap Instagramm áleýmettik jelisi arqyly nesıe rásimdeımin degen jeleýmen Oral qalasy aýmaǵynda turǵyndardy aldap kelgen. Onyń taǵy qansha adamdy aldaǵany tergeý barysynda anyqtalatyn bolady.

Alaıaqtyń basqa da qylmystarǵa qatystylyǵy tekserilýde.

Eske sala keteıik, budan buryn Aqsaıda Qyzylorda oblysy turǵynynyń jerlesin pyshaqtap tastaǵanyn jazǵan bolatynbyz.