Oralda múmkindigi shekteýli adamdardy tasymaldaýǵa bólingen 50 mıllıon teńge talan-tarajǵa túsken

ORAL. KAZINFORM – Oral qalasynyń prokýratýrasy Jumyspen qamtý jáne áleýmettik baǵdarlamalar bóliminde bıýdjet qarajatynyń talan-tarajǵa salǵanyn anyqtady. Bul týraly jergilikti prokýratýranyń baspasóz qyzmeti habarlady. 

Prokýratýra qyzmetkerleri memlekettik áleýmettik tapsyrys sheńberinde bólingen bıýdjetten 50 mıllıon teńge jymqyrylǵanyn anyqtady. 

«Bul fakt múmkindigi shekteýli adamdardy avtomobıl kóligimen tasymaldaý boıynsha qyzmetter kórsetýdi tekserý barysynda anyqtaldy. Múgedektigi bar adamdardy tasymaldaıtyn jaýapty mekeme kórsetilgen qyzmetti rastaıtyn jalǵan aktiler usynyp, saǵat sany men kórsetiletin qyzmetti alýshylardyń aqysyn asyra baǵalaý arqyly bıýdjet qarajatyna shyǵyn keltirgen» - delingen habarlamada. 

Materıal prokýratýra aqparatyn esepke alý kitabynda tirkeldi. Atalǵan is QR QK-niń 189-baby 2-bóligi 1-tarmaǵy boıynsha (adamdar tobynyń aldyn ala sóz baılasýymen senip tapsyrylǵan bóten múlikti ıemdenip alý nemese talan-tarajǵa salý) sheshim qabyldaý úshin Batys Qazaqstan oblysy boıynsha ekonomıkalyq tergeý departamentine joldandy.