Oralda mototsıkl men jeńil avtokólik soqtyǵysyp, bir adam kóz jumdy
ORAL. QazAqparat - Oralda búgin mototsıkl men jeńil avtokólik soqtyǵysyp, bir adam mert boldy, dep habarlaıdy QazAqparat tilshisi.
Oqıǵa búgin túnde Shaǵan ózeninen ótetin kópir, «Dınamo» sport bazasy mańynda oryn aldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge saǵat 02.32-de qońyraý shalyndy. 1979 jylǵy er adam úsh mınýttan keıin jetken jedel járdem kóliginde kóz jumdy.
Sondaı-aq jol oqıǵasynan 1987 jylǵy áıel adam zardap shekti.
Aldyn ala málimet boıynsha jabyq bas-mı jáne ish jaraqatyn alyp, mıy shaıqalǵan ol oblystyq aýrýhanaǵa jetkizildi.
Qazirgi ýaqytta oqıǵanyń jaı-japsary anyqtalý ústinde.
