Oralda mototsıkl men djıp soqtyǵysty
ORAL. QazAqparat - Búgin Oral qalasynda mototsıkl men djıp kóligi soqtyǵysyp, saldarynan bir adam jaraqattandy, dep habarlaıdy QazAkparat tilshisi.
Jol apaty Zachagan kentinde "Zachagansk" dúkeni mańynda boldy.
Oqıǵaǵa kýá bolǵandardyń aıtýynsha, Jáńgir han kóshesimen qatty jyldamdyqpen kele jatqan mototsıkl aldynan shyǵa kelgen djıppen túıisken. Mototsıklshi jigit zardap shekti.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge qońyraý saǵat 17.52-de shalynǵan. Shamamen 22 jastaǵy jigit bas-mı jáne basqa da jaraqattarmen oblystyq klınıkalyq aýrýhanaǵa jetkizildi.
Qazirgi kezde oqıǵanyń jaı-japsary anyqtalýda.
