Oralda mototsıkl men avtokólik soqtyǵysty
ORAL. QazAqparat - Oralda mototsıkl men avtokólik túıisip, eki adam aýrýhanaǵa tústi, dep habarlaıdy QazAqparat tilshisi.
Oqıǵa keshe Ábilqaıyr han dańǵyly men Tsıolkovskıı kósheleriniń qıylysynda oryn aldy.
«Folksvagen Venta» avtokóligi mototsıklmen soqtyǵysqan. Sonyń saldarynan mototsıklde otyrǵan eki adam jaraqat alǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, olardyń bireýi - 20 jasar qyz, ekinshisi - 14 jasar jasóspirim.
Aldyn ala málimetke qaraǵanda, oblystyq klınıkalyq aýrýhanaǵa jatqyzylǵan ekeýi de jabyq bas-mı jaraqatyn alyp, mılary shaıqalǵan. Oǵan qosa qyzdyń shúıdesi, jasóspirimniń kóptegen jeri soǵylyp, kógergen.
Qazirgi kezde oqıǵanyń sebep-saldary anyqtalý ústinde.
