Oralda mototsıkl avtokólikpen soqtyǵysyp, eki adam jaraqat aldy
ORAL. QazAqparat - Oralda mototsıkl «Mersedes» avtokóligimen soqtyǵysyp, eki adam jaraqat aldy, dep habarlaıdy QazAqparat tilshisi.
Oqıǵa keshe keshkisin Jáńgir han kóshesi boıynda, Post aıaldamasy boldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem stansasyna shaqyrtý saǵat 19.48-de túsken. Brıgada bes mınýttan keıin jetken.
Jol-kólik oqıǵasy saldarynan 1989 jáne 1981 jylǵy eki er adam jabyq bas-mı jaraqatymen jáne mılary shaıqalyp, qalalyq kópbeıindi aýrýhanaǵa jetkizildi. Olardyń ekeýi de mototsıklde otyrǵan, bastarynda dýlyǵalary (shlem) bolmaǵan.
Eske sala keteıik, budan buryn Oralda eki jeńil kólik túıisip, úsh adamnyń jaraqat alǵanyn jazǵan bolatynbyz. Olar kelesi kúni úılerine ambýlatorlyq emdeýge jiberildi.
