Oralda monıtorıngtik toptar kúsheıtilgen rejımde jumys jasaýda
Qala ákimi Abat Shynybekovtiń málim etkenindeı, sáýir aıynan beri shahar 4 ýchaskege bólinip, 8 top (jartysy qalada, tórteýi kent ákimdikterinde) reıdterge turaqty shyǵýda.
Abat Abaıulynyń sózine qaraǵanda, kún saıyn jolaýshylar avtobýstarynda sanıtarlyq-epıdemılogııalyq talaptardyń saqtalýyna monıtorıng, sondaı-aq júrgizýshilermen, kondýktorlarmen jáne jolaýshylarmen túsinik jumystary júrgiziledi. Avtobýs parkteriniń basshylary sanıtarlyq talaptar saqtalmaǵan jaǵdaıda aıyppul salynyp, sýbsıdııa tólengen kezde qarjynyń ustalynyp qalatyny eskertildi.
Monıtorıng barysynda 19-26 maýsym aralyǵynda sanıtarlyq talapty buzǵan 19 júrgizýshi, 1 kondýktor anyqtaldy.
«Sońǵy kezde Oral qalasynda koronavırýs juqtyrǵandardyń kóbeıgenine qaramastan, toı-tomalaq jasaýshylar tyıylmaı otyr. 21-27 maýsym aralyǵynda «Samal», «Ámına», «Ata-ana», «Qorjyn», «Grand Zodıak» jáne «Arbat» meıramhanalarynda karantındik talaptar buzylýyna baılanysty qalalyq sanıtarlyq-epıdemıologııalyq baqylaý basqarmasyna materıal daıyndalýda. Bul baǵyttaǵy jumys kúsheıtiledi», dedi qala basshysy.
Jyl basynan beri nysandarda karantın talaptaryn buzýshylyqtyń 198 deregi belgili boldy. Barlyǵy 7,3 mln astam teńgege 128 hattama toltyryldy.
Eske sala keteıik, budan buryn BQO-da ınfektsııalyq statsıonarda jatqandar sany 500-den asqanyn, maýsymda 2200-ge jýyq adamnan koronavırýs anyqtalǵanyn jazǵan bolatynbyz.
Sondaı-aq BQO-da ekpe alǵandar arasynda lotereıaǵa bas júldege avtokólik tigildi.
