Oralda modýldik aýrýhananyń qurylysy qarashada aıaqtalady

ORAL. QazAqparat – Oralda modýldik juqpaly aýrýlar aýrýhanasyn qarasha aıynda salyp bitirý kózdelgen, dep habarlaıdy QazAqparat tilshisi.

Oblystyq densaýlyq saqtaý basqarmasy basshysynyń orynbasary Darhan Haırýshevtiń málim etkendeı, Úkimet bastamasymen barlyq óńirde modýldik aýrýhanalar salynyp jatyr.

Oralda maýsym aıynda bastalǵan qurylys nysanynda qazirgi tańda jalpy jumystar 50 paıyzǵa oryndalǵan.

Aýrýhana qurylysynyń quny 7,2 mlrd teńgeni qurasa, sonyń 4,2 mlrd teńgesi bólingen.

Joba merdigeri – BI-group kompanııasy.

Modýldik aýrýhana 8 bólikten turady. Sonyń tórteýi – metall konstrýktsııalary, jartysy – «Modeks» modýldik bloktary. Kúni búgin metall konstrýktsııalary ornalastyrylsa, «Modeks» bloktaryn montajdaý bastaldy.

Sonymen qatar aýa raıynyń buzylyp ketý múmkindigin eskere otyryp, aýmaqty abattandyrý jumystary qosa júrip jatyr. Jıhazdar da ázirlengen, olar ýaqytsha qoımada saqtalýda.

Eske sala keteıik, budan buryn Oralda jańadan juqpaly aýrýlar aýrýhanasy boı kóteretinin, Batys Qazaqstanda 64 myńnan astam adamnyń tumaýǵa qarsy ekpe saldyrǵanyn jazǵan bolatynbyz.