Oralda meıramhana órtendi
ORAL. QazAqparat – Oral qalasynda «Dorojnyı» meıramhanasy órtendi, dep habarlaıdy QazAqparat tilshisi.
Batys Qazaqstan oblysy TJ departamentiniń baspasóz qyzmetinen túsken málimetke qaraǵanda, oqys oqıǵa búgin saǵat 09.35-te Á.Moldaǵulova kóshesindegi 2-ǵımaratta oryn aldy.
Bir qabatty ǵımarattyń (jalpy aýdany – 360 sharshy metr) japsarlas bóliginde, ıaǵnı monshasynda aǵash jaqtaýlar janǵan. Jalyn 30 sharshy metrdi sharpydy.
Órt saǵat saǵat 10.09-da oqshaýlanyp, 10.42-de sóndirildi.
Tilsiz jaýdy aýyzdyqtaýǵa 13 adam, 5 tehnıka jumyldyryldy.
Oqıǵadan eshkim zardap shekpedi.
Qazirgi kezde órttiń shyǵý sebebi, kináli adamdar, keltirilgen shyǵyn kólemi anyqtalyp jatyr.
