Oralda meshitke kelýshilerdiń qaltasyna túsken ury ustaldy
ORAL. QazAqparat - Oralda meshitterge kirip, kelýshilerdiń qaltasyna túsken ury ustaldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, kúdikti qyzyl meshit jáne ortalyq bazar qasyndaǵy meshitte kelýshilerdiń syrt kıimderiniń qaltasynan aqsha urlaǵan.
Onyń bul áreketi beınebaqylaý kameralaryna túsip qalǵan.
Kúdikti Atyraý oblysynyń buryn birneshe ret sottalǵan, esh jerde jumys jasamaıtyn 25 jasar turǵyny bolyp shyqty.
Qazirgi kezde Oral qalalyq ishki ister basqarmasy ýaqytsha oqshaýlaý ızolıatoryna qamalǵan kúdiktige qatysty QR QK 188-baby 2-bóligine (urlyq) sáıkes 4 epızod boıynsha qylmystyq is qozǵalyp, tergeý amaldary júrgizilýde. Onyń basqa da qylmystarǵa qatystylyǵy tekserilýde.
