Oralda memlekettik qyzmetshiler úshin 70 mln-ǵa jýyq teńgege 9 páter jalǵa alyndy

ORAL. KAZINFORM – Oral qalasy ákimdigi jalpy somasy 75 mln teńgege 10 úsh bólmeli páterdi jalǵa alý týraly lottardy jarııalanyp, qorytyndysyn shyǵardy.  

Oral qalasy ákimdiginen málim etkenindeı, jaldaý merzimi – eki jyl, ıaǵnı 2025 jyldyń qańtarynan 2026 jyldyń jeltoqsanyna deıin. 

Memlekettik satyp alý konkýrsynyń qorytyndysy boıynsha 9 pátermen qamtamasyz etýshi anyqtaldy: «Sýltan» JK, «WEST TENDER» JK jáne «SALYK-KAZYNA» JK. Lottardyń biri (7,5 mıllıon teńgege páter) oınalmady. 

Tehnıkalyq sıpattamaǵa sáıkes páterler belgili bir talaptarǵa saı bolýy kerek. 

Ákimdiktiń túsindirýinshe, «Turǵyn úı qatynastary týraly» zańnyń 77-babynyń 1-tarmaǵyna sáıkes kommýnaldyq turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan baspana turǵyn úı komıssııasy sheshiminiń negizinde ótinish berýshiniń turǵylyqty jeri boıynsha jergilikti atqarýshy organnyń sheshimimen beriledi.

- Jeke turǵyn úı qorynan turǵyn úıdi jalǵa alý rotatsııa tártibimen laýazymǵa taǵaıyndalǵan qyzmetkerlerge jáne olardyń eńbek qatynastarynyń sıpatyna baılanysty jumys orny boıynsha turýǵa tıis laýazymdyq mindetterin atqarý kezeńinde Qazaqstan Respýblıkasynyń basqa óńirlerinen kelgen qyzmetkerlerge arnalǵan. Sonymen qatar sońǵy jyldary Oral qalasy boıynsha memlekettik turǵyn úı qory úshin kóppáterli úılerdiń qurylysy júrgizilmegenin atap ótken jón, - dep habarlady vedomstvodan. 

Eske sala keteıik, budan buryn Oralda ýly topyraqpen bóget turǵyzylyp jatqanyna baılanysty ákimdik jaýap bergenin jazǵan edik.