Oralda memlekettik mekemelerdiń ashyq esik kúni ótti
ORAL. QazAqparat - Oralda «Ashyq ákimdik» atty dástúrli ashyq esik kúni ótti, dep habarlaıdy «QazAqparat» tilshisi.
Ashyq esik kúninde batysqazaqstandyqtar óz máselelerimen oblystyq jáne qalalyq atqarýshy organdar, kommýnaldyq qyzmetter, quqyq qorǵaý organdary jáne basqa da uıymdar basshylaryna tikeleı jolyǵýǵa múmkindik aldy. Olar negizinen jer qatynastary, halyqty jumyspen qamtý, ataýly áleýmettik kómek, turǵyn úı-kommýnaldyq jáne avtomobıl joldary máselelerin aıtyp keldi.
Basshylar «bir tereze» qaǵıdaty boıynsha jumys jasady. Sebebi keıbir máselelerdi birqatar uıymdar, vedomstvolar, quqyq qorǵaý organdarynyń qatysýymen sheshý qajet boldy.
Senbi kúni barlyǵy 44 memlekettik organnyń basshylary 350 turǵyndy qabyldady.
«Adamdar óz máselelerin barynsha tez sheshý úshin mundaı sharalardy jıi ótkizý qajet. Búgin oblys ákiminiń orynbasarlary meni tolǵandyrǵan máselelerdi túsindirip berdi. Endi tek nátıjesin kútý ǵana qaldy»,- dedi qala turǵyny Álııa Aldııarova.
Aıta keteıik, «Ashyq ákimdik» sharasy aldaǵy ýaqytta da jalǵasyn tabatyn bolady.
