Oralda memlekettik kirister departamentiniń qyzmetkeri jol apatyna ushyrady
ORAL. QazAqparat - 13 shilde kúni shamamen saǵat 14.50-de ýaqytsha jumys jasamaıtyn, Aqsaı qalasynda turatyn 1991 jylǵy R. degen júrgizýshi «Ford Fokýs» avtokóligimen Oralda Almazov pen Meńdálıev kósheleriniń qıylysynda BQO boıynsha memlekettik kirister departamentinde aǵa ofıtser bolyp qyzmet etetin 1985 jylǵy K. aıdap kele jatqan «Shkoda Rapıd» avtokóligine jol bermeı, soqtyǵysqan, dep habarlaıdy «QazAqparat» tilshisi.
Oral qalalyq ishki ister basqarmasynyń baspasóz qyzmetinen túsken málimetke qaraǵanda, jol-kólik oqıǵasy saldarynan oń ıyǵynan jaraqat alǵan K. qalalyq kópbeıindi aýrýhanaǵa jetkizilgen. Dárigerler qaraǵannan keıin ol úıine jiberilgen. Jol apatynan kólikterge materıaldyq shyǵyn keltirilgen.
Eske sala keteıik, keshe keshkisin polıtsııa qyzmetkeri kóligimen velosıped mingen balany qaǵyp ketken bolatyn.
