Oralda mekteptegi álimjettik oqıǵasy boıynsha qylmystyq is qozǵaldy

ORAL. KAZINFORM — Oral qalasynda mekteptegi álimjettik oqıǵasy boıynsha qylmystyq is qozǵaldy.

бьуллинг
Фото: Kazinform; DALL-E; Freepik

BQO polıtsııa departamentiniń baspasóz qyzmetinen málim etkenindeı, QR QK 140-babyna (kámeletke tolmaǵan adamdy tárbıeleý jónindegi mindetterdi oryndamaý) sáıkes sotqa deıingi tergeý amaldary bastaldy.

Tergeý amaldaryn Shaǵan polıtsııa bólimi júrgizýde.

Atalmysh bap boıynsha aıypty dep tanylǵan adam belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa deıingi merzimge aıyra otyryp nemese onsyz, 160 aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne 160 saǵatqa deıingi merzimge qoǵamdyq jumystarǵa tartýǵa ne qyryq táýlikke deıingi merzimge qamaqqa alýǵa jazalanady.

Eske sala keteıik, budan buryn Oral turǵyny qyzyn synyptastary uryp-soqqany jóninde shaǵym jasaǵanyn jazǵan bolatynbyz.

Sondaı-aq oqý ornyndaǵy álimjettik oqıǵasy boıynsha Oralda mektep basshylyǵy tártiptik jaýapkershilikke tartyldy. 

Qyzdyń anasy Instagram áleýmettik jelisinde mamochki_uralska_vmeste pablıginde jazǵannan keıin bul másele qoǵamdyq pikir týǵyzyp, tıisti sharalar qabyldanǵan bolatyn. 



Сейчас читают