Oralda mektepte balalardyń jappaı ýlanýyna baılanysty qylmystyq is qozǵaldy
ORAL. QazAqparat - Oraldaǵy №40 orta mektepte oqýshylardyń neden ýlanǵany belgili boldy, dep habarlaıdy QazAqparat tilshisi.
BQO ishki ister departamentiniń baspasóz qyzmetinen túsken málimetke qaraǵanda, 4 qazan kúni bolǵan osy oqıǵaǵa baılanysty tekserý júrgizilgen.
Polıtsııa qyzmetkerleri sol mektepte bilim alatyn oqýshy qyzdyń buryshty gaz ballonshasyn shashqanyn anyqtady.
Qazirgi kezde QR QK 293-baby 1-bóligine sáıkes (buzaqylyq) qylmystyq is qozǵalyp, sotqa deıingi tergeý amaldary júrgizilýde.
Eske sala keteıik, budan buryn atalmysh mektepte ıis tıgen 15 oqýshy men 1 muǵalimniń aýrýhanaǵa jetkizilgenin jazǵan bolatynbyz.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qazir oqýshylardyń jaǵdaıy jaqsy, sabaqqa qatysyp júr. Muǵalim ázirge aýrýhanada.
