Oralda mektep muǵalimi týberkýlezdiń ashyq túrimen aýyrǵan
ORAL. QazAqparat - Oral qalasynda orta mektep muǵalimi týberkýlezdiń ashyq túrimen aýyratyny anyqtaldy, dep habarlaıdy QazAqparat tilshisi.
Oblystyq bilim basqarmasynan túsken málimetke súıensek, pedagog jalpy bilim beretin №26 mektepte jumys isteıdi.
Atalmysh mektep muǵalimine 2 qarasha kúni densaýlyǵyna baılanysty eńbekke jaramsyzdyq paraǵy ashylyp, keıin onyń ashyq túrdegi týberkýlezben syrqattanǵany belgili bolǵan.
Ustaz bıylǵy shilde aıynda flıýorografııadan ótken, medıtsınalyq baıqaýdyń qorytyndysymen oǵan jumysqa ruqsat berilgen. Sońǵy úsh jylda densaýlyǵyna baılanysty jumystan qalmaǵan. Qazirgi tańda ol aýrýhanada em qabyldaýda.
«Búginde ata-analar men oqýshylar arasynda bilim ordasynyń, Oral qalalyq qoǵamdyq densaýlyq saqtaý basqarmasy men densaýlyq saqtaý organdarynyń qyzmetkerleri tıisti jumystar júrgizýde», - dedi oblystyq bilim basqarmasy basshysynyń orynbasary Záýre Ǵumarova.
